Jæja.. þá er maður búinn að upplifa það að koma til Bandaríkjanna, sem er að sjálfsögðu gott, en hefði mátt vera að betra tilefni. Ég sem sé skrapp til Stafford til að fylgja mínum elskulega mági og hvað skal segja, þeim sem gekk upp að altarinu á sama tíma og ég í denn. Við sem sé giftum okkur saman eða tvöfalt brúðkaup.  En því miður varð hans ævi ekki nógu löng, eiginlega allt of stutt. Hvernig er hægt að réttlæta það að 51 árs maður sem er nýhættur störfum hjá hernum eða ca. 2 árum áður búinn að byggja sér draumahús á Costa Rica og ætlar að eyða þar seinni helmingnum af ævinni í ró og næði á eftirlaununum frá hernum sé bara kippt út sí svona. Maður í toppformi og á best aldir. Þetta er ekki sanngjarnt að mínu mati. En svona er lífið víst, enginn veit hvað átt hefur fyrr en misst hefur .  En mikið stóð hún systir mín sig vel í þessu öllu, ég get ekki annað en dáðst af henni. Hver hefði getað staðið upp í kirkjunni og talað um sinn heitt elskaða eins og hún gerði.... ekki ég svo mikið er víst. Annars held ég að fólk hljóti bara að fá einhvern ofurkraf á svona stundu... það hlítur bara að vera. Ég allavegana er stolt af systur minni að hafa geta þetta.

 

En hvað um það, við stöldruðum þar fjöldkyldan (fórum öll sistkynin og p og m) í vikutíma og það var mjög vel heppnað þó maður hefði nú kosið að vera þarna af öðurm ástæðum. Fengum alveg rosalega fínt veður og yndislegt fólk sem hélt okkur félagsskap. Hefði ekki getað verið betra.

 

 

Jæja ætti maður að setja eitthvað hérna inn Ég sit hér heima eins og svo oft áður að passa barnabörnin, það er nú svo sem ekki mikið fyrirhöfn enda eru þau bæði búin að sofa nánast frá því foreldrarnir fóru, en þau eru að vinna í húsinu sínu.

Nú er allt á fullu í söngæfingum fyrir jólatónleikana sem verða á föstudagskvöldið, æfingadagur í dag svo hefðbundin æfing á þriðjudaginn, kannski aukaæfing á miðvikudaginn (ef við stöndum okkur ekki nógu vel á þriðjud.) og síðan sameiginleg æfing á fimmtudaginn með hinum kórunum sem syngja með okkur. Nú svo er bara að mæta á tónleikana á föstudagskvöldið 1.des kl. 20.30, hlýða á undurfagran söng og fá svo kaffi eða heitt kakó og smákökur að auki. Gæti ekki verið huggulegra svona í desemberbyrjun.

Annars er nú svosem mest lítið að gerast hjá mér eins og vanalega. Að vísu er ég orðin frekar pirruð á læknisferðum í bæinn, er komin aftur með helv... exemið á hendurnar og er hjá sérfræðingi út af því sem ber svo sem ekki mikinn árangur en kostar mig bara fullt af peningum. Er að fara á þriðjudaginn í ofnæmispróf og síðan aftur á föstudaginn í úrlestur af prófinu, vona bara að það komi eitthvað út úr því sem ég get þá forðast svo að þetta lagist nú.

Fyrst að þetta gekk svona vel með myndina þá er best að sýna ykkur fleiri.
Ég lét nefnilega plata mig til að taka að mér hundræfil sem búið er að gefa nafnið Lúkas.

Þetta er bróðir hans, sem Hjalti fékk.
Svo fékk hún Sigurbjörg að heimsækja mig í vinnuna um daginn og henni fannst svo smart að hafa svona hárnet á hausnum svo hún fékk sér eitt með sér heim og notar það óspart.


Og hún setti upp þetta sparibros sem er alveg einstaklega skemmtilegt og svo er hún svo hrein og fín líka


Og hér er Lúkas búinn að koma sér vel fyrir í stólnum hans Daníels


en þeir geta nú líka alveg notað stólinn báðir í einu

og að lokum er hér ein þar sem Elín er að þjálfa


Jæja segjum þetta gott í bili

Já það tókst 

Þetta er að sjálfsögðu hann Daníel Óskar krúttubolla

Ég verð að prufa að setja inn mynd á bloggið, Elísabet frænka var að kenna mér það en það gekk ekki betur en svo að ég endaði á því að láta hana gera það fyrir mig.
Ég get nú ekki farið að bögga hana í hvert skipti sem ég vil setja mynd á bloggið svo nú á að æfa sig

Ég er svo ótrúlega slappur bloggari að ég kem ekki hingað svo vikum skipti, og nú finnst mér endilega eins og allt sé breytt frá því að ég bloggaði síðast
En hvað um það.

Núna hangi ég hér heima að passa blessuð barnabörnin og hundana Sigurbjörg er svolítill dundari og ég hef voðalega lítið þurft að hafa fyrir henni, fyrir untan þegar ég var búin að vera í talsverðan tíma í símanum að leiðbeina mömmu hennar hvernig hún ætti að finna einhverja götu í Kópavogi. Þá sat mín dama við skápinn á ganginum og búin að gramsa í einhveju drasli þar og finna augnháralit og var búin að maka honum vel á hendurnar á sér . Ótrúlegt hvað þessum blessuðu börnum getur dottið í hug, ég reyndar tók ekkert eftir þessu fyrr en ég sá tíkina og hún var eitthvað einkennilega svo ég fór að skoða hana betur. Hún var eins og hún væri blaut á hausnum eða eitthvað svo ég fór nú að þefa, og það var greinilega einhver kremlykt af þessu svo það var farið að kanna hvað krakkinn væri að gera því hún er alltaf að vesenast með tíkina. Þá sem sagt komst ég að þessu með augnháralitinn Sem betur fer festist þessi litur ekki nema með því að hræra festi saman við svo það var hægt að ná þessu af dömunni með venjulegum handþvotti

Annars gæti maður sennilega endalaust talað um þessa ungu dömu, það sem að dettur upp úr henni er alveg óborganlegt og við Elín höfum fengið nokkur hlátursköstin yfir henni Um daginn kom ég með heim úr vinnunni pizzabökur sem var verið að framleiða, þetta er frekar sterkt með pepperoni og jalapeno og einhverju meiru og gefur talsvert eftirbragð. Nú Sigurbjörg vildi endilega fá svona eins og við og bjargaði sér bara sjáf, svo er hún búin að borða eins og hálfa böku þegar það heyrist í henni "djös er þetta vont" Þar komumst við að því að það þarf greinilega að fara að passa upp á talsmátann En mikið rosalega hlóum við mæðgurnar, að sjálfsögðu ekki þannig að hún heyrði samt.
Svo í gær voru hún og mamma hennar að leika sér hérna og Sigurbjörg rekur óvart dúkku í andlitið á mömmu sinni og hún fer að eitthvað að væla svona í plati og þá heyrist í skvísunni "hættu þessu væli"

Hér er þessi gormur

Jæja ætli sé ekki best að fara að athuga hvað gormurinn er að gera

Ég er algjörlega hugmyndasnauð þegar kemur að þessu bloggi. Ég lifi svo viðburðarsnauðu lífi að það er ekkert um að blogga. Líf mitt snýst um að vinna, éta og sofa Sjálfsagt svipað og hjá mörgum öðrum.

Nú er reyndar kórstarfið byrjað aftur eftir sumarfrí   sem er bara gaman, fullt af nýjum lögum sem á að taka í vetur svo þá getur maður farið að hugsa um það. Ég reyndar fór í reiðtúr með kórnum um daginn og það var alveg þrusugaman. Ég hef ekki farið á bak síðan ég varð einstæð, og það er alveg hellings langt síðan. En þetta var eins og áður sagði frábært, við vorum svo heppnar með veður, það hefði sko ekki getað verið betra Við riðum frá Ási og heim að Kálfholti með nokkrum pásum á leiðinni til að fá sér kaffi og meðþví og smá öl líka. Síðan sá Eyrún kórstjóri og Dengsi maðurinn hennar um kvöldmat handa okkur sem var stórgóður og svo var að sjálfsögðu sungið og drukkið fram til miðnættis eða svo.
Sem sagt mjög vel heppnaður reiðtúr.

more leiter

Vá hvað það er langt síðan ég bloggaði, var meira að segja búin að gleyma notendanafni og lykilorði en tókst að grafa það upp úr harða diskinum

Jæja ýmislegt hefur breyst síðan síðast, núna búum við ekki bara 2 á þessu heimili heldur 7 , Elín, Vignir og Sigurbjörg Helga ásamt tíkinni Týru fluttu til mín og síðan þá hefur bæst við annað barna hjá þeim Drengur fæddur 3. júlí og fékk nafnið Daníel Óskar
Hann er flottur strákur og gengur mjög vel með hann, ég bjóst við því að þurfa kannski að kaupa mér eyrnartappa til að sofa með þar sem ég er í næst herbergi við þau en nei hann bara sefur allar nætur

Síðan á ég engann bíl lengur því miður var ég ekki að höndla þessa greiðslubyrgði en jæja það kemur vonandi að því að maður sé ekki alltaf að basla kannski fæ ég bara lottó einhverntímann þar sem ég er orðinn áskrifandi, þá er maður allavega pottþétt alltaf með möguleika og ég lifi bara í voninni

Annars var ég um daginn að drepast í fætinum og var búin að vera svoleiðis í nokkra daga og dreif mig til læknis, "éttu ibufen og sjáum til hvort þetta lagast ekki" ég hefði nú ekki þurft að fara til læknis til að fá þetta svar en hvað um það ég prufaði það og ekkert lagaðist svo ég fór aftur með von um að fá einhver alvöruráði á þessu þar sem þetta er hvimleiður andskoti að vera illt einhverstaðar, jú nú var ákveðið að sprauta mig í fótinn með einhverju lyfi og ómæ hvað það var skelfilega vont, ég fékk sprautuna á fjóra staði og í restina var ég sko farin að emja og ég er sko engin kveif Jæja ég fór nú loksins að lagast í fætinum eftir nokkra daga, en hvað haldiði ég held að ég sé að versna aftur og ég held bara að ég treysti mér ekki aftur í þennan helv... sársauka sem sprutan var.

Jæja ætli ég láti þetta ekki gott í bili.

Jæja langt síðan ég hef komið hér við, enda kannski ekki frá miklu að segja. En allavega þá er ég búin að kaupa jólagjöfina í ár handa sjálfri mér, og það er nýr bíll. Kannski ekki alveg nýr en allavega nýr hjá mér, en þetta er lítil dúlla Toyota Yaris ´01 árg. og eins og áður sagði algjör dúlla. Kóngablár að lit og mjög fallegur bíll.

Er í Reykjavíkinni núna að aðstoða pabba og mömmu að koma sér fyrir í nýju íbúðinni sem þau fengu í vikunni úfffff. Þetta er talsvert minna húsnæði en þau áttu áður, sem þýðir höfuðverkur við að koma öllu dótinu fyrir. Þau hafa nú reyndar gefið slatta af dóti, og fékk ég að njóta góðs af því eins og fleiri. Á morgun stendur síðan til að fara í bæjarleiðangur og versla jólagjafir hana hinum fjölskyldumeðlimunum, og síðan jólaball á sunnudag. Sem sagt nó að gera þessa dagana.

Jæja hef ekki meira að segja í bili.........

Jæja þá getur maður sest fyrir framan tölvuna með góðri samvisku. Búin að þrífa hér allt út úr dyrum hátt og lágt, ryksuga, skúra, vaska upp, þurrka af og bara nefndu það, svo allt ilmar hér af hreinlæti. Verst að þetta Ajax sem alltaf er verið að aulýsa þar sem maður tekur bara tappann af og hann fer eins og stormsveipur um allt hús, fæst ekki í búðinni hér. En svona er að vera dreifari.  

Meira að segja þvotta húsið lítur betur út eftir að ég fór með alla 4 svörtu ruslapokana sem voru fullir af dósum og flöskum í endurvinnsluna. Var farið að taka stóran toll af rými þar. Buddan svo sem fitnaði nú ekki mikið við það, þó að umfangið væri mikið, voru þetta ekki nema rétt tæpar 2400 kr.

Ótrúlegt hvað þessi tölvudrusla getur verið mikill tímaþjófur. Kíki stundum inn á málefnin, en mestur tími fer þó í einn leik sem ég er með, sem ég er btw búin að klára nokkrum sinnum en er bara alveg húkkt á. Meira að segja sonurinn er farinn að hafa orð á því hvort ég sé ekki komin með leið á þessum leik. Maður á nú ekki einu sinni að segja frá þessu, eða hvað? 

Ég sé það reyndar núna að ég hef gleymt að þurrka af tölvuskjánum, best að drífa í því.

síjú leiter....

Alveg er þetta merkilegt þegar mann fer að dreyma fólk sem maður þekkir ekki neitt. Mig dreymdi sem sagt að ég fór í heimsókn til manneskju sem ég þekki ekki en ég veit hver hún er og maðurinn hennar sem er nýfarinn frá henni er að vinna með mér.

En allavega ég banka upp á hjá henni og hún kemur til dyra og segir ekki orð heldur bara skildi hurðina eftir opna og labbaði burt með einhvern fýlusvip, svo ég bara labba í burtu þar sem svipurinn benti til þess að ég væri ekki velkomin. En þá kallar hún á eftir mér hvort ég ætli ekki að koma inn og fá mér kaffi, svo ég snéri við og fór inn. Þegar inn var komið var þar fullt af fólki eins og væri einhver veisla í gangi. Mér var vísað til borðs þar sem bornar voru fram allskyns kræsingar. Síðan þegar ég ætla að fara að fá mér eitthvað var alltaf búið að klára það. Við töluðum nú ekki mikið saman ég og þessi manneskja en aðeins þó og var ég að reyna að segja henni að ég skildi mjög vel hennar líðan eftir að maðurinn hennar fór frá henni, þar sem ég hefði upplifað svipað sjálf, og það hefur trúlega verið tilgangur ferðar minnar til hennar að reyna að styðja hana í þessum erfiða höfnunartíma, eða ég ýminda mér það allavega. Restin af draumnum var eiginlega eitthvað sundurlaust rugl.

Hvað ætli þetta þýði svo?

En nú er komin helgi og til stendur að vera dugleg og taka til hendinni hérna heima hjá mér, ekki veitir af því að fara að þurrka af og skúra, og reyna að ignora þessa tölvudruslu sem stelur allt of miklum tíma frá mér.

síjú leiter......

Annars gleymdi ég að minnast á það áðan að ég fór ekki í vinnuna í dag sökum eymsla í fæti, því að í gær rak ég litlu tána svona líka heiftarlega í dyrakarminn á leiðinni út úr herberginu mínu djöf........ sem það var vont. En ég ætla að drullast á morgun, ekki dugar að hanga bara heima. Metta ekki marga munna á því víst eða öllur heldur borga ekki marga reikninga, þar sem þeir eru væntalega fleiri heldur en munnarnir.

síja fólks leiter.........

Þar kom að því að maður útbyggi sér bloggsíðu. Ég ætla nú ekki að lofa neinu um dugnaðinn hér. Það verður bara að koma í ljós. Hef svosem ekki frá miklu að segja svona yfirleytt, eða alla vega ekki merkilegu.

En ég get sagt frá því að ég skellti mér á ball um hlegina á Kanslaranum. Þar voru þessir líka eðaldrengir 66 að skemmta gestum, og þvílík stemmning sem var á staðnum. Biggi er sko ekki búinn að gleyma neinu í þessum bransa og stóð sig frábærilega eins og við var að búast   Það var bara nokkuð góð mæting, þó að við hefðum verið farin að hafa áhyggjur af því eftir að við mættum að það yrði ekki margt, en þegar klukkan var farin að ganga 2 fór liðið að ljáta sjá sig.

Jæja ætla að láta þetta duga í bili.....